Lənkəranda baş vermiş qəza nəticəsində avtomobil yanıb. Bu haqda məlumatı Cenublu.az bu gün, 3 may tarixində Apa.az-a istinadən verir.
Hadisə Lənkəran rayonunun Darquba kəndi ərazisində baş verib. Astara rayon sakini, 27 yaşlı Aslan Mürsəl oğlu Rzazadə idarə etdiyi "VAZ-2106" markalı nəqliyyat vasitəsi ilə hərəkətdə olarkən yolda olan inəyi vurub. Zərbənin təsirindən maşın yanıb.
Ətrafdakıların köməyi ilə maşında olanlar çıxarılıb. Əraziyə FHN-in Lənkəran yanğından mühafizə hissəsinin texnikası və canlı qüvvəsi, eləcə də təcili tibbi yardım briqadası cəlb olunub. Xəsarət alanlara yardım göstərilib və onlar Lənkəran rayon mərkəzi xəstəxanasına çatdırılıblar.
Görülən tədbirlərə baxmayaraq, nəqliyyat vasitəsi tam yanıb.
