“Yaşıl dünya naminə həmrəylik ili” çərçivəsində Lənkəran Şəhər Mədəniyyət Mərkəzində “Azərbaycanda ətraf mühitin sağlamlaşdırılması istiqamətində Ümummilli Lider Heydər Əliyevin rolu” yeniyetmə və gənclər üçün elmi-praktik konfrans keçirilib. Bu haqda məlumatı Cenublu.az bu gün, 4 may tarixində Lənkəran Şəhər Mədəniyyət Mərkəzinə istinadən verir.
Konfransda ilk olaraq Lənkəran Dövlət Peşə Təhsil Mərkəzinin, Lənkəran Şəhər Mədəniyyət Mərkəzinin və Lənkəran Peşə Təmayüllü Siniflərinin mövzu ilə bağlı müxtəlif əl işləri sərgilənib.
Sonra Lənkəran rayonu üzrə təhsil sektorunun tabeliyində olan məktəblər arasından seçilmiş 5 ekoloji təqdimat konfrans iştirakçılarına təqdim edilib.
Həmçinin "Yaşıl dünya naminə həmrəylik ili" ilə bağlı Lənkəran Dövlət Peşə Təhsil Mərkəzinin və Lənkəran rayonu üzrə təhsil sektorunun əməkdaşlığı ilə birgə hazırlanan "Mən istəyirəm ki, hamınız təbiəti qoruyanlardan olasınız" videoçarxı, "Ay lolo" folklor rəqs qrupu və bağçaların rəqsləri təqdim edilib.
Sonda 5 məktəbin şagirdi I dərəcəli Diplomla, digər təqdimatlar isə diplom, müxtəlif dəyərli hədiyyələr, eləcə də bütün şagirdlər iştirakcı Sertifikatı ilə mükafatlandırılıblar.
[caption id="attachment_58832" align="alignnone" width="302"]
Lənkəran Şəhər Mədəniyyət Mərkəzi[/caption]
[caption id="attachment_58831" align="alignnone" width="302"]
Lənkəran Şəhər Mədəniyyət Mərkəzi[/caption]
[caption id="attachment_58830" align="alignnone" width="302"]
Lənkəran Şəhər Mədəniyyət Mərkəzi[/caption]
[caption id="attachment_58829" align="alignnone" width="302"]
Lənkəran Şəhər Mədəniyyət Mərkəzi[/caption]
