Şirvan Apellyasiya Məhkəməsində ötən ilin oktyabrında Lənkəranın Şağlaser kəndində baş verən ağır yol qəzası ilə bağlı işə baxılıb. Hakim Pərviz Hacıyevin sədrliyi ilə keçirilən prosesdə Ruslan Rəsulovun apellyasiya şikayəti təmin edilməyib.
Cenublu.az xəbər verir ki, qəza zamanı onun idarə etdiyi “VAZ-21074” markalı avtomobil elektrik dirəklərinə, qaz xəttinə və həyətyanı hasara çırpılıb. Nəticədə avtomobildə olan 2006-cı il təvəllüdlü Amil Sadıqov həyatını itirib, sürücü və daha üç sərnişin müxtəlif xəsarətlərlə xəstəxanaya yerləşdirilib.
Məhkəmənin hökmü ilə Ruslan Rəsulov 5 il 1 ay azadlıqdan məhrum edilərək məhkəmə zalından həbs olunub.
