Lənkəranın Sütəmurdov kəndində ailə münaqişəsi cinayətlə nəticələnib.
Demokrat.az xəbər verir ki,1986-cı il təvəllüdlü Vüsal arvadı Qətibə ilə mübahisə edib. Səbəb – qadının ərinə xəbər vermədən evdən çıxması olub.
Mübahisə zamanı Vüsal onun dodaq nahiyəsinə yumruqla zərbə endirib. Qadın müxtəlif dərəcəli bədən xəsarətləri alıb.
Vüsal barəsində Cinayət Məcəlləsinin 128-ci maddəsi – "qəsdən sağlamlığa zərər vurma" ilə cinayət işi açılıb. O, ifadəsində törətdiyi əməli etiraf edib və peşman olduğunu bildirib.
Vüsal deyib ki, 2007-ci ildən evlidirlər, iki övladları var. Ailəsini dolandırmaq üçün işlədiyini, ancaq arvadının son vaxtlar sözünə baxmadığını qeyd edib.
Zərərçəkmiş Qətibə isə bildirib ki, ərinin daim qısqanc davranışı onların münasibətlərinə ziyan vurub. Hadisə günü bazarlığa getdiyini, evə qayıdanda isə Vüsalın onu döydüyünü söyləyib.
Lənkəran Rayon Məhkəməsi hadisəyə baxıb. Tərəflərin barışması və qadının şikayətçi olmaması nəzərə alınıb.
Nəticədə, Vüsal cinayət məsuliyyətindən azad edilib.
