Lənkəranda azyaşlını döyən müəllimə işdən çıxarıldı.
Cenublu.az xəbər verir ki, bu barədə “Kaspi kids” məktəbəqədər hazırlıq kursunun sosial şəbəkə hesabındakı açıqlamada bildirilib:
"Əziz valideynlər və ictimaiyyət nümayəndələri,
Son günlər sosial şəbəkələrdə təəssüf doğuran bir hadisə ilə bağlı kursumuzun adı çəkilməkdədir. Bildirmək istəyirik ki, bu hadisə dərhal araşdırılmış və məsul şəxs (müəllimə) işdən azad olunmuşdur.
Qeyd etmək istərdik ki, bu kimi hallar kursumuzun prinsiplərinə və dəyərlərinə tamamilə ziddir. Biz hər zaman uşaqların təhlükəsizliyini, psixoloji rifahını və keyfiyyətli təhsilini prioritet olaraq görmüşük və görməkdəyik.
Təəssüf ki, bir müəllimin fərdi səhvi üzündən bütün müəllim heyətimizin, rəhbərliyimizin və illərlə formalaşmış etibarımızın hədəf alınması bizi son dərəcə məyus edir.
Biz valideynlərimizin, şagirdlərimizin və ictimaiyyətin doğru məlumatlandırılmasını istəyirik. Bu hadisənin üzərində ciddi şəkildə dayanılmış, lazımi tədbirlər görülmüşdür.
Xahiş edirik ki, yayılan məlumatlara münasibətdə daha diqqətli və anlayışlı olasınız.
Əməkdaşlıq və dəstəyiniz üçün təşəkkür edirik."
09:58
Lənkəranda yerləşən “Kaspi kids” məktəbəqədər hazırlıq kursunda baş verən hadisə araşdırılır.
Cenublu.az xəbər verir ki, bu barədə Daxili İşlər Nazirliyinin Mətbuat Xidmətinin Lənkəran regional qrupundan məlumat verilib.
Bildirilib ki, həmin məsələ ilə bağlı hazırda Lənkəran Şəhər Rayon Polis Şöbəsində təhqiqat araşdırması aparılır.
"Tərəflərin ərizə və izahatları alınıb, azyaşlının məhkəmə tibbi ekspertizasından keçirilməsi təmin edilib. Qanunamüvafiq tədbirlərin görülməsi təmin olunur", - məlumatda deyilir.
Xatırladaq ki, ötən gün sözugedən məktəbəqədər hazırlıq kursunda müəllimə azyaşlı şagirdə qarşı şiddət göstərilməsi barədə məlumat vermişdik.
View this post on Instagram
