Lənkəranda əmək yarmarkası təşkil olunacaq.
Cenublu.az Dövlət Məşğulluq Agentliyinə istinadən xəbər verir ki, tədbir mayın 27-si saat 10:00-da Lənkəran Dövlət Universitetinin 1-ci korpusunda (Lənkəran şəhəri, Füzuli küçəsi 170A) başlayacaq.
Yarmarkada 30-dan çox müəssisə tərəfindən 100-dən artıq vakansiya namizədlərə təqdim ediləcək.
Yarmarkada iştirak etmək istəyən şəxslərin şəxsiyyət vəsiqələrini təqdim etmələri məcburidir. Eyni zamanda, CV ilə gəlmələri tövsiyə olunur. İş axtaranlara vakansiyalar, iş öhdəlikləri və şərtlərlə bağlı ətraflı məlumat yerində veriləcək.
İş axtaran Lənkəran sakinləri üçün bu yarmarka yeni imkanlar qazanmaq üçün əla fürsətdir.
