Lənkəranda azyaşlı piyadanı avtomobil vurub.
Cenublu.az xəbər verir ki, hadisə səhər saatlarında Lənkəran şəhərinin 20 Yanvar küçəsində baş verib. Hərəkətdə olan “QAZ-3110” markalı nəqliyyat vasitəsi yolu əks istiqamətə keçmək istəyən 2019-cu il təvəllüdlü A.İsmayılzadəni vurub.
Azyaşlı dərhal ağır vəziyyətdə Lənkəran Rayon Mərkəzi Xəstəxanasının Təcili yardım şöbəsinə aparılıb və Reanimasiya şöbəsinə yerləşdirilib.
Xəstəxanadan verilən məlumata görə, A.İsmayılzadənin başında çoxsaylı əzilmiş yaralar, həmçinin sağ çiynində sınıq var. Hazırda onun müalicəsi xəstəxanada davam etdirilir.
Faktla bağlı araşdırma aparılır.
View this post on Instagram
