Lənkəranda 2 nömrəli məktəb qəzalı 10 saylı məktəbə köçürülür.
Bununla bağlı valideynlər etirazlarını bildirmək üçün hazırda Lənkəran Astara Regional Təhsil idarəsinin qarşısına toplaşıblar.
Cenublu.az xəbər verir ki, qarşıdan gələn təhsil ilində 2 nömrəli tam orta məktəb ibtidai təhsil məktəbi kimi fəaliyyət göstərəcək, yuxarı sinifdə oxuyan şagirdləri isə 10 nömrəli məktəbə köçürürlər. Hazırda 10 nömrəli tam orta məktəb qəzalı vəziyyətdədir. Eyni zamanda məsafəcə uzaq olduğundan valideynlər övladlarının bu təhsil ocağında oxumasından narazıdırlar.
Valideynlərin və müəllimlərin tələbi 2 nömrəli məktəbin əvvəlki kimi fəaliyyət göstəməsidir.
Qeyd edək ki, hazırda Lənkəran-Astara Regional Təhsil İdarəsinin qarşısında yüzlərlə valideyn toplaşıb.
