Lənkəran şəhərinin İsrafil Babayev küçəsində yaşayanlar zibil yığımı probleminin həll olunmamasından narazıdırlar.
Sakinlərin Cenublu.az-a verdiyi məlumata görə, artıq 2 həftədir ki, küçədən tullantılar aparılmır.
Bildirilir ki, qapıların önündə yığılan zibil torbaları üfunət yayır, küçəni zibilin qoxusu basıb. Üstəlik, sahibsiz pişik və itlər torbaları cıraraq ətrafa dağıdır, bu da mənzərəni daha da xoşagəlməz hala gətirir.
“İki həftədir baxan yoxdur. Qoxudan küçəyə çıxmaq olmur,” – deyə sakinlər qeyd ediblər.
Onlar aidiyyəti qurumları problemi dərhal həll etməyə çağırırlar.
