Dövlət Statistika Komitəsinin 2025-ci ilin yanvar–iyun aylarına olan məlumatına əsasən, Lənkəran və Masallı rayonları muzdla çalışan işçilərin sayına görə ölkə üzrə ön sıralarda yer alıblar.
Hesabata görə, Lənkəranda 21 min 400, Masallıda isə 15 min 300 nəfər muzdla çalışır. Bu göstəricilərlə hər iki rayon region üzrə ən yüksək nəticələrdən birinə sahibdir.
Ümumilikdə, ölkə üzrə muzdla çalışan işçilərin sayı 1 milyon 770 min 800 nəfər təşkil edir. Onların yarıdan çoxu paytaxt Bakı şəhərində (979 min 500 nəfər) cəmlənib.
