Təhsil naziri Emin Əmrullayev Lənkəran, Astara, Lerik, Masallı, Cəlilabad və Yardımlı rayonlarında qeydiyyatda olan sakinləri, eləcə də adıçəkilən rayonlarda müvəqqəti məskunlaşmış məcburi köçkünləri qəbul edib. Bu haqda məlumatı Cenublu.az bu gün, 26 iyul tarixində Təhsil Nazirliyinə istinadən verir.
Lənkəran şəhərində keçirilən qəbulda vətəndaşlar, əsasən müəllimlərin işə qəbulu və yerdəyişməsi, işə bərpaolunma, dərs saatlarının artırılması, həmçinin digər məsələlərlə bağlı müraciətlər ediblər.
Nazir qəbula yazılmış vətəndaşların müraciət, şikayət və təkliflərini dinləyərək hər bir müraciətin araşdırılması, qaldırılan məsələlərin qanunvericiliyə uyğun həlli istiqamətində nazirliyin müvafiq aidiyyəti qurumlarının rəhbərlərinə tapşırıqlar verib.
