“Gənclərin asudə vaxtının səmərəli təşkili” layihəsi çərçivəsində kəndlərdə keçirilən görüşlər davam edir. Bu haqda məlumatı Cenublu.az bu gün, 26 iyul tarixində verir.
Növbəti belə görüş Sütəmurdov kənd Diyarşünaslıq Evində baş tutub.
Lənkəran Regional Mədəniyyət İdarəsinin rəisi Şahin Şahbazov bildirib ki, yeniyetmə və gənclərin asudə vaxtının səmərəli təşkili üçün onların mədəniyyət evlərinin nəzdində təşkil olunan dərnəklərə cəlb olunması vacibdir. Bu, gənclərin zərərli vərdişlərdən uzaq olmalarına xidmət edəcəkdir. Eləcə də istedadlı uşaqların bacarıqlarının üzə çıxarılması, ölkə üzrə tanıdılması məqsədilə mütəmadi şəkildə belə görüşlər təşkil ediləcək.
Çıxış edən Lənkəran Gənclər və İdman İdarəsin rəis vəzifəsini icra edən Teymur Babazadə "Sağlam bədəndə sağlam ruh olar” devizi ilə başlayaraq bildirib ki, sağlamlığını qorumaq üçün insanlar erkən yaşlarından idmanla məşğul olmalıdırlar.
Tədbirin bədii hissəsində adıçəkilən mədəniyyət müəssisələrinin özfəaliyyət dərnək üzvləri şeirlər və musiqi nömrələri təqdim ediblər.
Xatırladaq ki, növbəti görüşün 26 iyul tarixində Türkəkəran kənd Yaradıcılıq Evində keçirilməsi nəzərdə tutulub.
Qeyd edək ki, layihə Lənkəran Regional Mədəniyyət İdarəsinin və Lənkəran Gənclər və İdman İdarəsinin birgə təşəbbüsü ilə baş tutub.
[caption id="attachment_20465" align="alignnone" width="336"]
Lənkəran Regional Mədəniyyət İdarəsi[/caption]
