Lənkəranda çimərlik mövsümü davam etdikcə, sahilboyu ərazilərdə yeni zibil poliqonları yaranır.
Cenublu.az-a müraciət edən sakinlər bildirirlər ki, dəniz kənarında istirahət edən bəzi vətəndaşlar yemək qalıqlarını, məişət tullantılarını, hətta iri əşyaları belə sahildə buraxaraq ərazini zibillik vəziyyətinə salırlar. Nəticədə sahil boyu yeni “zibil poliqonları” yaranıb.
Məsələ ilə bağlı aidiyyəti qurumlar mütəmadi təmizlik işlərinin aparıldığını desələr də, sakinlərin sözlərinə görə, xüsusən gecə saatlarında tullantıların nəzarətsiz şəkildə ətrafa atılması problemi daha da ağırlaşdırır.
Şikayətçilər aidiyyəti qurumlardan sahilboyu ərazilərə ciddi nəzarət edilməsini və zibilliyin qarşısının alınması üçün tədbirlər görülməsini tələb edirlər.
View this post on Instagram
