AMEA-nın Lənkəran Regional Elmi Mərkəzinin əməkdaşları Qarabağa səfər ediblər. Bu haqda məlumatı Cenublu.az bu gün, 7 may tarixində verir.
Ziyarət mərasimində mərkəzin direktoru Mehman Əliyev, ümumi işlər üzrə direktor müavini Namik Qasımov, Vətən müharibəsində şəhid olan mərkəzin əməkdaşı Mahsun Bağırzadənin atası Zahir Bağırov, Rameş Kərimov, şəhidin döyüş yoldaşları baş leytenant Elnur Talıbov, qazi Möhnət Səmədov, Sabirabad şəhidi Bəxtiyar Mayılovun atası İxtiyar Mayılov və Zəngəzur Cəmiyyətlər Birliyinin sədri tarix üzrə fəlsəfə doktoru Hacı Nərimanoğlu iştirak ediblər.
Onlar Mahsun və onun döyüş yoldaşlarının savaşdıqları məkanlara, Qubadlı rayonu Muradxanlı kəndinə, Azərbaycanın Milli Qəhrəmanı Əliyar Əliyev və şəhid Əlisadət Ağayevin məzarına və hərbi hissəyə baş çəkiblər.
