Vətən müharibəsi qazisi, Şuşa fatehi Əli Zamanzadənin toy mərasimi baş tutub. Bu haqda məlumatı Cenublu.az bu gün, 23 iyul tarixində Lənkəran Dövlət Universitetinə istinadən verir
Əli Bəhram oğlu Zamanzadə 1997-ci ildə Lənkəran rayonunun Gərmətük qəsəbəsində anadan olub. Orta məktəbi əla qiymətlərlə bitirəndən sonra yüksək balla Bakı Dövlət Universitetinin Regionşünaslıq (Amerika) ixtisasına qəbul olub. Ali təhsilini uğurla başa vurduqdan sonra həqiqi hərbi xidmətdə olub. Hərbi xidmətdən sonra LDU-da işə qəbul olub, tyutor kimi çalışıb. Vətən müharibəsində Hava Hücumundan müdafiə bölmələrinin tərkibində iştirak edib. Füzulidən Laçına qədər ağır döyüş yolu keçib. Füzuli, Xocavənd, Cəbrayıl, Qubadlı, Şuşa, Laçın uğrunda gedən döyüşlərdə qəhrəmancasına döyüşüb. “Füzulinin azad olunmasına görə”, “Qubadlının azad olunmasına görə”, “Şuşanın azad olunmasına görə” və “Vətən müharibəsi iştirakçısı” medalları ilə təltif olunub. 2021-ci ilin yanvar ayında Şuşadan tərxis olunduqdan sonra LDU-da çalışmağa davam edib.
Qeyd edək ki, Əli Zamanzadə LDU-nun kompüter mühəndisliyi ixtisasında təhsil alan əlaçı tələbə Ruhanə Dadaşzadə ilə ailə həyatı qurub.
