Bu il buraxılış imtahanlarında Lənkərandan olan abituriyentlər yüksək bal toplayıblar. Bu haqda Cenublu.az bu gün, 5 avqust tarixində məlumat verir.
Şahin Nüsrət oğlu Məmmədzadə 1-ci qrup üzrə qəbul imtahanında 679.3 bal toplayıb. O, Lənkəran şəhər R.Məmmədov adına 5 nömrəli tam orta məktəbin şagirdi idi.
Şahin Nəsir oğlu Nəsirov 660 bal toplayıb. O, Viravul kənd 2 nömrəli tam orta məktəbin məzunudur. Onun yığdığı bal Viravul kəndinin abituriyentləri arasında ən yüksək nəticədir.
Məcid Cəfər oğlu Həbibli 652.9 balla ADA Universitetinin İqtisadiyyat fakültəsinə qəbul olub. O, V.Əliyev adına 4 nömrəli humanitar təmayüllü məktəb-liseyin şagirdi idi.
Nəsir Ehram oğlu Qurbanzadə imtahanda 639.5 bal toplayıb. O, Lənkəran rayonu M.Əbilov adına Şağlaküçə kənd tam orta məktəbinin məzunudur.
Əmrah Təbriz oğlu Şərbətzadə imtahanda 637.6 bal toplayıb. O, Ə.Y.Xalıqov adına Rvo kənd tam orta məktəbinin yetirməsidir.
