Şəhid F.Hüseynov adına Lənkəran rayon Mamusta kənd Folklor evində yeniyetmə və gənclərin asudə vaxtlarını səmərəli keçirmələri ilə bağlı tədbir keçirilib. Bu haqda məlumatı Cenublu.az bu gün, 26 iyul tarixində Lənkəran şəhər Gənclər və İdman İdarəsinə istinadən verir.
Tədbirdə çıxış edən Şahin Şahbazov qeyd edib ki, tədbirin əsas məqsədi yaradıcı gənclərin problemlərinin öyrənilməsi və onların həlli yolunu tapmaqdır.
Daha sonra Lənkəran Gİİ-nin rəis vəzifəsini icra edən Teymur Babazadə bildirib ki, kəndlərdə idman qurğularının qurulması yeniyetmə və gənclərin asudə vaxtının daha səmərəli keçəcəyinə şərait yaradacaq.
Sonda Mamusta kənd Folklor evinin dərnək üzvləri bir-birindən gözəl musiqilər, milli rəqslər, şeirlər səsləndirərək özfəaliyyətini nümayiş ediblər.
Qeyd edək ki, tədbir Lənkəran şəhər Gənclər və İdman İdarəsinin və Lənkəran Regional Mədəniyyət İdarəsinin birgə təşəbbüsü ilə baş tutub.
