Lənkəranda təşkil olunan “Gənclərin Yay Düşərgəsi”nə start verilib. Bu haqda məlumatı Cenublu.az bu gün, 27 iyul tarixində Lənkəran Şəhər Gənclər və İdman İdarəsinə istinadən verir.
Lənkəran Şəhər Gənclər və İdman İdarəsi Azərbaycan Respublikasının Gənclər və İdman Nazirliyinin yaranmasının ildönümü münasibətilə 10-16 yaşlı uşaq və yeniyetmələr üçün 3 günlük düşərgə keçirir.
Düşərgənin ilk günündə uşaqlar maraqlı və əyləncəli oyunlar oynayıblar. Daha sonra Lənkəran Nömrə 1 Psixoloji Mərkəzin klinik psixoloqu Nigar Sadıqova uşaqlarla gələcəkdəki peşə fəaliyyəti barədə danışıb, onların şəxsi inkişaflarına nail olmaq üçün nələri etməli olduqları barədə söhbət aparıb.
AMEA-nın Texnika üzrə fəlsəfə doktoru, professor, baş elmi işçi Şəfəqət Mahmudova və aparıcı elmi işçi Əfruz Qurbanova düşərgə iştirakçıları ilə texnikanın gündəlik həyatımızdakı rolu barədə diskussiya aparıblar.
Sonda Uşaq-Gənclər İdman-Şahmat Məktəbinin müəllimləri tərəfindən şahmat üzrə yarış keçirilib.
Qeyd edək ki, 26-28 iyul tarixlərində “Palıdlı sahil” hotelində keçirilən düşərgəyə 25 gənc qatılıb.
