Lənkəran şəhərində küçələrin birində işıq dirəkləri quraşdırılmayıb. Bununla bağlı sakinlər bu gün, 5 avqust tarixində Cenublu.az-a müraciət ediblər.
Belə ki, Nizami küçəsi, dalan 1 ünvanında yaşayan sakinlər bildiriblər ki, şəhərdə görülən genişmiqyaslı işıqlandırma işləri onların küçələrindən yan keçib.
“Ələlxüsus qış aylarında çox əziyyət çəkirik. Qaranlıq küçədən keçib getmək həm qorxulu, həm təhlükəlidir. Xahiş edirik aidiyyəti qurumlar məsələni nəzarətə götürüb, bizə kömək etsinlər”, - deyə sakinlər bildiriblər.
