Lənkəran Rayon Məhkəməsində qəsdən sağlamlığa az ağır zərər vurmada təqsirləndirilən Qurban Babayevin (ad, soyadı şərtidir) cinayət işi üzrə məhkəmə istintaqı yekunlaşıb.
Pravda.az xəbər verir ki, məhkəmənin hökmü ilə cinayət işi üzrə icraata xitam verilib və o, cinayət məsuliyyətindən azad edilib.
İttihama görə, hadisə 18 aprel 2025-ci il tarixdə, saat 14 radələrində Lənkəran şəhərində yerləşən “Mərkəzi bazarda” qeydə alınıb.
Belə ki, Qurban Babayev bazarda olan zaman ara yolda zərərçəkmiş Nizami Tahirovla (ad, soyadı şərtidir) yol verməməsi üstündə mübahisə edib. Nəticədə o, zərərçəkmiş şəxsə bir kəllə zərbəsi vuraraq ona sağlamlığına yüngül zərər yetirib.
Hadisədən sonra Qurban Babayev saxlanılaraq cinayət məsuliyyətinə cəlb edilib.
