Lənkəranda fəaliyyət göstərən körpələr evi-uşaq bağçalarının rəhbərləri ilə görüş keçirilib. Bu haqda məlumatı Cenublu.az bu gün, 4 avqust tarixində Lənkəran-Astara Regional Təhsil İdarəsinə istinadən verir.
Lənkəran-Astara Regional Təhsil İdarəsinin müdiri Elxan Nəcəfov, müdir muavini Famil İsayev, İnzibati təşkilat sektorunun müdiri Rəhim Rəhimov və Lənkəran Təhsil şöbəsinin müdiri Ülviyyə Əliyeva tərəfindən keçirilən görüşdə bağçalarla bağlı cari məsələlər, qida və sanitar-gigiyenik ləvazimatların təminatı, iş şəraiti, kadr məsələləri və s. mövzular ətrafında müzakirələr aparılıb.
