Lənkəran şəhər 9 nömrəli tam orta məktəbinin şagirdi olmuş, Vətən müharibəsi iştirakçısı, XTQ-də qrup komandiri olan Anar İlqar oğlu Rəhimov doğma məktəbində görüş keçirib. Bu haqda məlumatı məktəbin rəsmi Facebook səhifəsi verib.
Belə ki, o, təhsil aldığı məktəbə gələrək məktəbin direktoru Bəxtiyar İbayevlə görüşüb. Rəhimov cəbhə təəssüratlarından, əsgər və zabitlərimizin keçdiyi şərəfli döyüş yolundan söz açıb. Görüşün sonunda xatirə şəkili çəkdirilib.
Anar Rəhimov döyüşlərdə göstərdiyi qəhrəmanlığına görə "Cəsur döyüşçü", "Füzulinin azad olunmasına görə" və "Xocavəndin azad olunmasına görə" medalları ilə təltif olunub.
