Lənkəranda günlərdi toplanıb qalan məişət tullantıları sakinləri narahat edir. Bununla bağlı bu gün, 7 yanvar tarixində oxucular Cenublu.az-a müraciət ediblər.
Belə ki, şəhərin Sütəmurdov kəndində bu xoşagəlməz hal qeydə alınıb. Qeyd olunan küçə, Rəşid Dadaşov adına Sütəmurdov kənd məktəbinə gedən yoldur.
"Bura uzun müddətdir ki, yığışdırılmır. Tullantılar bura atılır, və ərazini pis qoxu bürüyür. Ərazidə tullantılar üçün qutu olmadığından bu cür fəsadlar yaranır. Həmçinin, itlər zibillikdə eşələndiklərinə görə, tullantılar əraziyə yayılır. Xahiş edirəm, kimsə bu məsələni həll etsin", - deyə sakin öz müraciətində bildirib.
