Lənkəran rayonunda "Kiçikhəcmli gəmilərin təhlükəsiz istismarı" mövzusunda tədbir keçirilib. Bu haqda məlumat bu gün, 24 yanvar tarixində Fövqəladə Hallar Nazirliyinin rəsmi saytında paylaşılıb.
Kiçikhəcmli Gəmilərə Nəzarət və Sularda Xilasetmə Dövlət Xidmətinin təşkilatçılığı ilə kiçikhəcmli gəmi istifadəçiləri üçün Balıqçılar qəsəbəsində maarifləndirilmə tədbiri təşkil olunub. Tədbirdə iştirakçılarla gəmilərə texniki nəzarətin mövcud tələblərinə dair söhbət aparılıb.
Bu tip su nəqliyyatı vasitələrinin qanunvericiliklə nəzərdə tutulmuş qaydada texniki baxışdan keçirilməsinin vacibliyi diqqətə çatdırılıb. Eyni zamanda, kiçikhəcmli gəmi sürücüləri xilasedici vasitələrdən istifadə qaydaları ilə bağlı məlumatlar alıblar.
