Lənkəranda heyvandarlıq sahəsi ilə məşğul olan sahibkarlara ödənişsiz məsləhət xidməti göstərilib. Bu haqda məlumat bu gün, 6 yanvar tarixində Lənkəran KOB İnkişaf Mərkəzinin rəsmi Facebook səhifəsində paylaşılıb.
Belə ki, rayonun Ləj kəndində fəaliyyət göstərən fermerlər Əliqənbər Məmmədov, Vidadi Yusubov, Salman Qasımov, Firəngiz Məhərrəmova, Aslan Qasımov, Bacı Əliyeva, Tamara Rəhimova Lənkəran KOBİM-ə müraciət ediblər.
Görüş zamanı mərkəzin ekspertləri fermerlərə sanitariya-gigiyena şərtlərinə düzgün əməl olunması, heyvanların saxlanılması və bəslənilməsinin düzgün aparılması ətraflı formada izah ediblər. Fermerlərə profilaktik tədbirlərin görülməsi və müxtəlif preparatlardan istifadə edilməsi tövsiyyə olunub.
Lənkəran KOB tərəfindən göstərilən bütün xidmətlər ödənişsizdir.
