Lənkəran şəhərində Dövlət Gömrük Komitəsi (DGK) və Medianın İnkişafı Agentliyi, kütləvi informasiya vasitələrinin nümayəndələri üçün "Gömrük sistemində islahatlar: Nəticələr, perspektivlər" mövzusunda təlim keçiriblər. Bu haqda məlumatı bu gün, 25 yanvar tarixində Report.az verib.
Dövlət Gömrük Komitəsinin (DGK) Əməliyyat-istintaq Baş İdarəsi rəisinin birinci müavini Güloğlan Muradlı təlimin II günündə qeyd edib ki, 2021-ci ildə Azərbaycanda qanunsuz dövriyyədən götürülmüş narkotik vasitələrin 99,8%-i ölkənin cənub sərhədlərindən keçirilməklə gətirilib.
"Aşkar edilmiş narkoqaçaqmalçılıq faktlarının analizi narkotik vasitələrin əsasən Astara, Biləsuvar və Naxçıvan MR-dakı Şahtaxtı gömrük postları vasitəsilə ölkəmizə gətirildiyini təsdiqləyib", - deyə o bildirib.
