Lənkəran şəhəri Heydər Əliyev Mərkəzi tərəfindən şagirdlər arasında inşa müsabiqəsinə start verilir. Bu haqda məlumat bu gün, 13 yanvar tarixində mərkəzin rəsmi Facebook səhifəsində paylaşılıb.
Lənkəran şəhərində yerləşən ümumi təhsil müəssisələrinin şagirdləri arasında keçiriləcək müsabiqəyə 13 yanvar tarixindən start verilib. "20 Yanvar - Şərəf və Qürur Günümüz!" mövzusunda keçirilən müsabiqənin əsas məqsədi gənclərdə tarixi yaddaşın möhkəmləndirilməsi və torpağa olan məhəbbət hissinin aşılanmasıdır.
Müsabiqə nəticələri mərkəzin sosial şəbəkələrində və KİV-də paylaşılacaq.
Müraciət edənlər [email protected] poçt ünvanına inşa ilə yanaşı, müəllifin adı, soyadı və atasının adı, oxuduğu məktəb və sinif, telefon nömrəsi barədə məlumatları göndərməlidirlər.
Müsabiqənin qalibləri mərkəz tərəfindən fəxri diplomlarla təltif olunacaqlar.
