Lənkəran məktəblərində "20 yanvar" faciəsinin 32-ci ildönümü ilə bağlı silsilə tədbirlər keçirilib. Bu haqda məlumatı məktəblərin rəsmi Facebook səhifələri verib.
Belə ki, Lənkəran rayonu Xanbulan kənd tam orta məktəbində dəyirmi masa baş tutub. Tədbirdə məktəbin direktoru, tərbiyə işləri üzrə direktor müavini, tarix müəllimi və məktəbin şagirdləri faciənin səbəblərindən, Azərbaycan xalqının iradəsinin sarsılmazlığından danışıblar.
Lənkəran şəhər V. Əliyev adına 4 nömrəli humanitar təmayüllü məktəb-liseyində "Qanlı 20 yanvar" faciəsinə həsr olunmuş tədbir keçirilib.
Lənkəran rayonu Gərmətük qəsəbə tam orta məktəbində isə "Şəhidlər unudulmur" adlı şeir müsabiqəsi keçirilib. Müsabiqənin qalibləri:
l yer - Rzazadə Gülnar Hamlet qızı;
ll yer - Namazova Fatimə Zaur qızı;
lll yer - Fərzullazadə Xədicə Dəyanət qızı.
Qaliblərə diplomlar təqdim olunub.
