Lənkəran rayonunun Xanbulan kəndindəki evlərdən birinin həyətindəki tövlədən 2 baş iribuynuzlu heyvan oğurlanıb. Bu haqda məlumatı bu gün, 19 yanvar tarixində Trend verib.
Keçirilən əməliyyat-axtarış tədbirləri nəticəsində həmin heyvanları oğurlamaqda şübhəli bilinən Xanbulan kənd sakini, əvvəllər məhkum olunmuş Əmrah Məmmədli saxlanılıb.
Araşdırma zamanı onun Bürcəli kəndindəki daha bir fərdi evin həyətindən iribuynuzlu heyvanı oğurladığı məlum olub. Ə.Məmmədlinin oğurladığı 3 baş heyvanı öz mal-qarası kimi təqdim edərək borclu olduğu şəxsə həmin pulun müqabilində verdiyi müəyyən edilib. Həmin heyvanlar aşkarlanaraq sahiblərinə qaytarılıb.
Faktla bağlı araşdırma aparılır.
