Bu gün, lənkəranlı qəhrəman şəhid Həsənağa Şakir oğlu Abdullazadənin ildönümüdür. Bu haqda məlumatı Cenublu.az verir.
Baş leytenant Həsənağa Abdullazadə 1993-cü ildə Lənkəranda anadan olub. Orta təhsilini də Lənkəranda alıb. 8-ci sinifdə oxuyarkən hərbi təhsil almaq qərarına gəlib.
Vətən müharibəsinə könüllü qoşulan Həsənağa, Murov zirvəsinin azad edilməsi uğrunda gedən döyüşlərdə yaxından iştirak edib. Ailəsi ilə telefon danışığında “Mən öz istəyimə çatacağam, Kəlbəcərə bayrağı mən sancacağam” deyən komandir təəssüf ki, döyüş yoluna sonadək davam edə bilmir.
Oktyabrın 3-ü şəhid olan qəhrəmanın nəşi qış fəslində axtarış işlərinin çətinliyi ilə əlaqədar yalnız yanvar ayının 13-ü ailəsinə təhvil verilir.
Şəhid Həsənağa Abdullazadə 14 yanvar İkinci Fəxri Xiyabanda dəfn edilib.
Ölümündən sonra "Vətən uğrunda", "Kəlbəcərin azad olunmasına görə" medalları ilə və 3-cü dərəcəli "Rəşadət" ordeni ilə təltif edilib.
