Lənkəran rayonu Şağlaser kəndinin Asif Əsədullayev küçəsi qaranlıq içindədir. Bu haqda məlumatı bu gün, 12 yanvar tarixində Cenublu.az verir.
Belə ki, 20 yanvar şəhidi Asif Əsədullayevin adını daşıyan küçədə elektrik dirəklərin olmasına baxmayaraq onlar yanmır.
"Bizim məhəllədə şəhidlər böyüyüb başa çatıb. Küçəmiz 20 yanvar şəhidi Asif Əsədullayevin adını daşıyır. Məhəlləmizin girişində Vətən müharibəsi şəhidi Murad Hüseynzadənin lövhəsi ucaldılıb. Buna baxmayaraq, laqeyd yanaşma görürük", - deyə bir sakin qeyd edib.
"Qış aylarıdı, hava tez qaralır. Böyüklər işdən, uşaqlar hazırlıqdan qayıdanda göz gözü görmür. Halbuki məhəlləmizdə işıq dirəkləri var", - deyə digər sakin söyləyib.
"Bir neçə dəfə öz hesabımıza lampa almışıq, amma tez xarab olub. Axı biz mütəxəssis deyilik. Aidiyyəti qurumlardan xahiş edirik, məsələni həll etsinlər", - daha bir sakin qeyd edib.
