Lənkəran şəhərində gənclər üçün turizm bələdçiliyi sahəsində təlimlər keçirilib. Bu haqda məlumat bu gün, 21 yanvar Cənub Mirvarisi - South Pearl Tourism rəsmi Facebook səhifəsində paylaşılıb.
Dünya məşğulluğunun 10%-ni təşkil edən turizmdə iş yerlərinin sayı 200 milyondan çoxdur. Proqnozlara görə 2022-2023-cü illərdə bu sahənin ümumi gəliri 3 trilyon dollar təşkil edəcək.
Buna görə də, "Cənubun Mirvarisi" turizm şirkətində gənclərin şəxsi inkişafı və karyera yaratmaq imkanı üçün bələdçilik təlimləri təşkil edilib. Təşəbbüs zamanı 40-dan çox gəncə Lənkəran şəhərində mütəxəssis tərəfindən 3 gün müddətində (2 gün nəzəri və 1 gün praktiki olmaqla) təlim keçirilmiş, onlara bələdçiliyin əsasları, bir biznes fəaliyyəti kimi inkişafı, bölgənin inkişafındakı rolu və s. kimi mövzularda təməl biliklər verilmişdir. İştirakçılar öncədən keçirilən sorğu əsasında seçilmiş və seçimlər zamanı üstünlük daha çox turizm sahəsində nəzəri biliklər alan tələbələrə və iş axtarışında olan gənclərə verilmişdir.
Layihənin icrası ABŞ-ın Azərbaycandakı Səfirliyi, Lənkəran Regional Mədəniyyət İdarəsi, Lənkəran şəhər Heydər Əliyev Mərkəzi və Lənkəran KOB İnkişafı Mərkəzinin (KOBİM) texniki və təşkilati dəstəyi ilə keçirilib.
[caption id="attachment_9447" align="alignnone" width="300"]
Cənub Mirvarisi - South Pearl Tourism[/caption]
