Bu gün Lənkəran Dövlət Dram Teatrının direktoru Tofiq Heydərovun ad günüdür. Onun 65 yaşı tamam olur.
Tofiq Ələddin oğlu Heydərov 14 yanvar 1957-ci ildə Lənkəran rayonunda anadan olub. 1974-cu ildə Lənkəran rayonun Avrora qəsəbə orta məktəbinin bitirib və N.K.Krupskaya adına Bakı Kitabxanaçılıq Texnikumunun mədəni-maarif fakültəsinə daxil olub. Daha sonra M.A.Əliyev adına Azərbaycan Dövlət İncəsənət İnstitutunu bitirib.
Müxtəlif vaxtlarda Lənkəran rayon Mədəniyyət Evində metodist, direktor, Lənkəran Dövlət Dram Tetatrında aktyor, Lənkəran Ekskursiya və Səyahətlər Bürosunda metodist, "Turist" Kooperativini təsis edərək ona rəhbərlik edib.
O, 1996- 2013-cü illərdə "Xanbulan Turizm İstirahət Mərkəzi"nə rəhbərlik edib. 2014-cü ildən Lənkəran Dövlət Dram Teatrının direktoru vəzifəsində çalışır.
