Lənkəran rayonu Girdəni kəndindəki küçələrin birinə şəhid Kənan Axundzadənin adı verilib və onun şərəfinə abidə qoyulub. Bu haqda məlumatı bu gün, 6 yanvar tarixində Cenublu.az verir.
Kənan Hamil oğlu Axundzadə 2 avqust 1994-cü ildə Lənkəran şəhərinin Girdəni kəndində anadan olub. 2001-2012-ci illərdə şəhid Məhəmməd Bağırov adına Girdəni kənd orta məktəbində təhsil alıb.
Döyüşçü yoldaşlarının “Rembo” adlandırdığı Kənan, 30 oktyabr tarixində səngərdən çıxaraq bir neçə düşmən əsgərini məhv edib. Elə bu an qarşı tərəfdən açılan atəş nəticəsində sağ çiyin nahiyəsindən və sinəsindən güllə yarası alaraq şəhidlik zirvəsinə yüksəlib.
Ölümündən sonra "Vətən uğrunda", "Füzulinin azad edilməsinə gorə" və "Xocavəndin azad edilməsinə gorə" medalları ilə təltif olunub.
