Bu gün, 25 yanvar tarixində lənkəranlı şəhidimiz Orxan Dadaşlının doğum günüdür. Bu haqda məlumatı Cenublu.az verir.
Orxan Elxan oğlu Dadaşlı 25 yanvar 1997-ci il tarixində Lənkəran rayon Darquba kəndində anadan olub. 2013-ci ildə orta məktəbi bitirib və 29 sentyabr 2020-ci ildə qismən səfərbərliklə hərbi xidmətə yollanıb.
Qəhrəman əsgər Vətən müharibəsi zamanı Cəbrayılın, Qubadlının və Şuşanın azadlığı uğrunda gedən döyüşlərdə iştirak edib. O, 9 noyabr Şuşa döyüşləri zamanı şəhid olub.
Ölümündən sonra "Vətən uğrunda", "Cəbrayılın azad olunmasına görə" və "Qubadlının azad olunmasına görə" medalları ilə təltif olunub.
Şəhidimizin adını əbədiləşdirmək üçün doğma Darquba kəndində onun xatirəsinə park salınıb.
