Azərbaycan Yazıçılar Birliyinin təşkilatçılığı ilə şair Tofiq Həsənlinin kitabının təqdimatı keçirilib. Bu haqda məlumat birliyin rəsmi Facebook səhifəsində paylaşılıb.
"Polad qalxanlara qələm çırpıram" kitabının təqdimatı Lənkəranın Qala Çay evində keçirilib. AYB Lənkəran Bölməsinin sədri Qafar Cəfərlinin giriş sözü ilə başlayan tədbirdə digər şairlər də iştirak ediblər. Tofiq Həsənlinin yaradıcılığından danışan Qafar Cəfərli şairi təbrik edib və daha sonra sözü şair-publisist Xatirə Xatuna verib.
Tədbirdə jurnalist, kitabın rəssamı və Bakıdan gəlmiş şairlər kitabla bağlı öz təəssüratlarını bölüşüblər. Sonda söz müəllifə verildi. Tofiq Həsənli tədbirdə iştirak edənlərə minnətdarlığını bildirib, kitabın ərsəyə gəlməsindən danışıb.
