Lənkəran şəhər Mədəniyyət Mərkəzində 20 Yanvar faciəsinin 32-ci ildönümünə həsr olunmuş "Ağla, qərənfil, ağla...!" adlı ədəbi-bədii kompozisiya təqdim olunub. Bu haqda məlumatı Lənkəran Regional Mədəniyyət İdarəsi verib.
Tədbir dövlət himninin səsləndirilməsi və 20 Yanvar faciəsində həlak olanların xatirəsinin bir dəqiqəlik sükutla yad edilməsi ilə başlayıb.
Çıxış edənlər Qanlı Yanvar hadisələri zamanı xalqımızın başına gətirilən müsibətlərdən və Azərbaycan xalqının azadlıq mübarizəsindən danışıblar.
Sonra tədbirdə M.Arazın "Sən bu yurda söykənirsən" və "Ayağa dur, Azərbaycan!" adlı şeir kompozisiyası səsləndirilib.
Həmçinin, Lənkəran şəhər Mədəniyyət Mərkəzinin "Vaqif” ədəbi dərnəyinin üzvləri 20 yanvar hadisələrini özündə əks etdirən teatrlaşdırılmış ədəbi-bədii kompozisiya ifa ediblər.
Sonda "Ağla, qərənfil, ağla...!" adlı videoçarx nümayiş olunub.
