Dövlət Gömrük Komitəsi və Medianın İnkişafı Agentliyinin birgə təşkilatçılığı ilə Lənkəran şəhərində jurnalistlər üçün təlim keçirilib. Bu haqda məlumat bu gün, 24 yanvar tarixində Azertac-da paylaşılıb.
40-a yaxın media qurumunun nümayəndəsi iştirak etdiyi təlimdə "Gömrük sistemində islahatlar: nəticələr, perspektivlər" mövzusu haqda danışılıb. Jurnalistlərə həyata keçirilən islahatlar çərçivəsində tətbiq edilən yeniliklər, layihələr və dəyişikliklərlə bağlı məlumatlar verilib.
Layihənin əsas məqsədi gömrük-media əlaqələrinin daha da gücləndirilməsi və bu sahə üzrə jurnalistikanın inkişafıdır.
Tədbir zamanı Dövlət Gömrük Komitəsinin mütəxəssisləri tərəfindən gömrük sahəsində risklərin idarə edilməsi, informasiya texnologiyalarının tətbiqi və s. mövzular haqda məlumatlar verilib.
Təlim çərçivəsində jurnalistlərin "Astara" Gömrük postuna səfəri planlaşdırılıb. Təlim yanvar ayının 25-i yekunlaşacaq.
