Yardımlıda qonşular keçi üstündə məhkəməlik olublar.
Cenublu.az-ın məlumatına görə, hadisə rayonun Şəfəqli kəndində qeydə alınıb.
İttihama görə, kənd sakini Sakitlə həmkəndlisi Vidadi arasında mübahisə yaranıb. Mübahisəyə səbəb Vidadinin keçilərinin Sakitə məxsus sahəyə mütəmadi girərək, ona problem yaratması olub. Mübahisə qısa zamanda qarşıdurmaya çevrilib. Nəticədə Sakit yumruq zərbələri və daşla Vidadiyə xəsarətlər yetirib.
Daha sonra Sakit cinayət məsuliyyətinə cəlb edilib. Yardımlı Rayon Məhkəməsinin qərarına əsasən, Sakit təqsirli bilinib. Onun barəsində 1000 manat miqdarda cərimə cəzası təyin edilib. Qeyd edək ki, adlar şərti verilib.
Fidan İlqar
