Birinci Qarabağ müharibəsi zamanı itkin düşən şəhid Mübariz Ağahüseyn oğlu Şahmurovun nəşi tapılıb.
Teleqraf.аz xəbər verir ki, şəhid Mübariz Şahmurov sabah Keşlədə yerləşən Şəhidlər xiyabanında torpağa tapşırılacaq.
Mübariz Şahmurov Sabirabad rayonunun Nərimankənd kəndində anadan olub. Onun vaxtilə təhsil aldığı kənd məktəbi də şəhidin adını daşıyır.
Xatırladaq ki, M. Şahmurov Milli Qəhrəman Aqil Quliyevin rəhbərlik etdiyi dəstənin tərkibində döyüşüb. O, 1992-ci il fevralın 26-da, 29 yaşında Xocalıda qəhrəmancasına şəhid olub.
