Cəlilabad Mərkəzi Rayon Xəstəxanasının əməkdaşları hələ də əməkhaqlarını ala bilməyiblər.
Bu barədə Cenublu.az-a tibb müəssisəsinin adının açıqlanmasını istəməyən əməkdaşı məlumat verib.
İddialara görə, maaşların gecikməsi xəstəxananın sabiq direktorunun vəzifəsindən uzaqlaşdırılmasından sonra aparılan maliyyə yoxlamaları ilə əlaqələndirilir. İşçilər bildirirlər ki, hər ay müəyyən tarixdə ödənilən əməkhaqlarının bu qədər gecikməsi onları ciddi maddi çətinliklərlə üz-üzə qoyub.
Cenublu.az-ın xəstəxanadan əldə etdiyi məlumata görə, gecikən əməkhaqlarının bu gün – iyulun 9-da ödəniləcəyi gözlənilir.
