İran İslam Respublikasında film çəkilişi aparan və oradakı son hadisələrlə bağlı təxliyə olunan Rusiya Federasiyası vətəndaşları Azərbaycanın Astara sərhəd-gömrük buraxılış məntəqəsindən keçərək ölkələrinə qayıdıblar.
Cenublu.az xəbər verir ki, 90 nəfərlik kino kollektivi bildirib ki, iki ay əvvəl çəkiliş məqsədilə İrana səfər ediblər və filmin tamamlanmasına cəmi 4-5 gün qalmışdı. Onlar səmimi söhbət zamanı yaşanan gərginlik səbəbindən narahat və yorğun olduqlarını, lakin Azərbaycan ərazisində özlərini təhlükəsiz və rahat hiss etdiklərini vurğulayıblar.
“Çətin olacaq, amma Moskvaya qayıtdıqdan sonra həmin səhnəni orada yenidən yaradıb filmi yekunlaşdıracağıq”, – deyə çəkiliş heyətinin üzvləri bildiriblər.
Onlar göstərilən dəstəyə görə Azərbaycan dövlətinə təşəkkürlərini ifadə ediblər.
