Astara Gömrük İdarəsinin əməkdaşları tərəfindən keçirilən kompleks əməliyyat-axtarış və gömrük nəzarəti tədbirləri nəticəsində külli miqdarda narkotik vasitə – marixuana aşkar edilərək qanunsuz dövriyyədən çıxarılıb.
Bu barədə Cenublu.az-a Dövlət Gömrük Komitəsindən məlumat verilib.
Məlumata əsasən, “Cənub Astara” gömrük postunda Azərbaycan ərazisindən tranzit keçməklə İran İslam Respublikasından Rusiya Federasiyasına “kahı” yükü daşıyan nəqliyyat vasitəsi gömrük yoxlamasına cəlb olunub.
Rentgen qurğusu və kinoloji xidmət itinin tətbiqi ilə aparılan yoxlama zamanı iki paletdəki yeşiklərdə, kahı yükü ilə örtülərək gizlədilən 73 bağlamada – qablaşdırma ilə birlikdə ümumi çəkisi təqribən 29 kiloqram 100 qram olan marixuana aşkarlanıb.
