Daxili İşlər Nazirliyi Baş Narkotiklərlə Mübarizə İdarəsinin əməkdaşları tərəfindən həyata keçirilən növbəti əməliyyat zamanı külli miqdarda narkotik vasitənin Astara rayonunda qanunsuz dövriyyəyə buraxılmasının qarşısı alınıb.
DİN-in Mətbuat Xidmətinin Lənkəran regional qrupundan Cenublu.az -a verilən məlumata görə, əməliyyat zamanı əvvəllər insan alveri cinayətlərinə görə məhkum olunmuş 36 yaşlı Fəxrəddin Xurşidov saxlanılıb. Ondan çəkisi 27 kiloqram olan, tərkibinə zərərli maddələr əlavə edilmiş marixuana aşkarlanıb.
Araşdırmalar nəticəsində saxlanılan şəxsin ölkə ərazisində narkotik vasitələrin satışını və qanunsuz dövriyyəsini təşkil etdiyi müəyyən edilib.
Faktla bağlı cinayət işi başlanılıb və F. Xurşidov barəsində məhkəmənin qərarı ilə həbs qətimkan tədbiri seçilib.
