Astara-Lənkəran yolunda, Giləkaran kənd məscidinin qarşısında yerləşən avtobus dayanacağı uzun müddətdir ki, bərbad vəziyyətdədir.
Sakinlərin Cenublu.az-a verdiyi məlumata görə, dayanacaq artıq bir ildən çoxdur ki, baxımsız vəziyyətdədir. İsti və yağışlı havalarda orada gözləmək mümkün deyil, çünki nə üstü örtülüdür, nə də kənarları qoruyucu elementlərlə təmin olunub.
Həmçinin ərazidə piyada keçidi də yoxdur. Sakinlər bildirirlər ki, bu yol məktəblilər və yaşlılar üçün xüsusilə təhlükəlidir:
“Uşaqlar məktəbə gedəndə yolu keçməkdə çətinlik çəkirlər. Burada heç bir xəbərdarlıq nişanı, işıqfor və ya piyada zolağı yoxdur. Nəqliyyat da yolun bu hissəsində yüksək sürətlə hərəkət edir”.
Sakinlər məsul qurumlardan dayanacağın təmirini və ərazinin piyada keçidi ilə təmin olunmasını tələb edirlər.
