Lənkəran rayonunun Daştətük kəndini iki hissəyə ayıran körpü 2024-cü ilin iyulun 26-da leysan yağışları nəticəsində uçub. Aradan 1 ildən çox vaxt keçməsinə baxmayaraq, körpü hələ də bərpa edilməyib.
Sakinlərin Cenublu.az -a verdiyi məlumata görə, sözügedən körpü kənd əhalisinin əsas gediş-gəliş yolu olub. Onun sıradan çıxması səbəbilə kəndin iki hissəsi arasında nəqliyyat əlaqəsi kəsilib.
“Bu körpü məktəblilərin də dərsə getməsi üçün əsas yoldur. Təxminən şagirdlərin 40 faizi çayı keçə bilmədiyi üçün məktəbə gedə bilmir,” – deyə kənd sakinləri bildirirlər.
Məlumata görə, problem barədə müvafiq qurumlara dəfələrlə, həmçinin icra hakimiyyətinə 1 ildən artıqdır məlumat verilir. Sakinlərin sözlərinə görə, hər dəfə “büdcədə vəsait yoxdur” cavabı alınır:
“Halbuki, bildiyimizə görə, lazım olduğundan daha çox vəsait ayrılıb. Ancaq iş görülmür. Payız və qışda yağışlar başlayanda buradan keçmək mümkünsüz olacaq. Təcili Tibbi Yardım belə çətinliklə keçə bilir.”
Kənd əhalisi körpünün təcili bərpasını tələb edir.
View this post on Instagram
