2025-ci ilin yanvar–sentyabr aylarına dair rəsmi statistikaya əsasən, Lənkəran-Astara iqtisadi rayonu Azərbaycanda nikahların sayının ən yüksək olduğu bölgələrdən biri olub.
Bu dövrdə rayonda 3 678 nikah (hər 1 000 nəfərə – 5.2), 974 boşanma (hər 1 000 nəfərə – 1.4) qeydə alınıb.
Bu göstəriciyə görə Lənkəran-Astara iqtisadi rayonu ölkə üzrə ən yüksək nikah səviyyəsinə malik bölgələr sırasında yer alır. Bu göstəriciyə görə bölgəmiz yalnız Şərqi Zəngəzur (5.8), Qarabağ (5.7) və Dağlıq Şirvan iqtisadi rayonları ilə müqayisədə bir qədər geri qalır.
Boşanmalar üzrə isə Lənkəran-Astara göstəriciləri ölkə ortalamasından aşağıdır və bölgə ən az boşanma qeydə alınan iqtisadi rayonlardan biri sayılır (1.4). Müqayisə üçün, ən yüksək boşanma səviyyəsi Bakı şəhəri (2.7) və Şərqi Zəngəzur iqtisadi rayonunda (2.3) müşahidə olunub.
Ümumilikdə, ölkədə 2025-ci ilin ilk doqquz ayında 36 332 nikah və 15 480 boşanma qeydə alınıb; göstəricilər ötən ilin eyni dövrü ilə müqayisədə bir qədər azalıb.
