Bu gün cənub bölgəsindən olan şəhidlər Cavid Zeynalov və Cavad Məhərrəmovun doğum günüdür.
Cavid Vaqif oğlu Zeynalov 17 oktyabr 1990-cı ildə Yardımlı rayonunun Mirimli kəndində anadan olub. Vətən müharibəsi zamanı Füzuli istiqamətində gedən döyüşlərdə iştirak edib. 30 sentyabr tarixində Füzuli uğrunda gedən döyüşlərdə şəhid olub.
Ölümündən sonra "Vətən uğrunda", "Cəbrayılın azad olunmasına görə", "Füzulinin azad olunmasına görə" medalları və "Vətənə xidmətə görə" ordeni ilə təltif edilib.
Cavad Sadiq oğlu Məhərrəmov 17 oktyabr 2003-cü ildə Lerik rayonunun Almu kəndində anadan olub. 2023-cü ilin 19 sentyabr tarixində həyata keçirilən uğurlu lokal antiterror tədbirləri zamanı Ağdərə istiqamətində gedən döyüşlərdə qəhrəmancasına şəhid olub. O, Lerik rayonunun Şəhidlər xiyabanında dəfn edilib.
Ölümündən sonra "Vətən uğrunda" medalı və III dərəcəli "Vətənə xidmətə görə" ordeni ilə təltif edilib.
