Lənkəran və Astara şəhərlərində kanalizasiya sisteminin tikintisi işləri aparılacaq.
Cenublu.az bu barədə Azərbaycan Dövlət Su Ehtiyatları Agentliyinin tabeliyində Tikilməkdə Olan Obyektlərin Müdiriyyətinə istinadən xəbər verir.
Qeyd olunub ki, Agentliyin tabeliyindəki Tikilməkdə Olan Obyektlərin Müdiriyyəti bununla bağlı hazırlıqlara başlayıb.
Belə ki, Lənkəran şəhərinin kanalizasiya sisteminin tikintisi işlərinə 50 milyon manatdan artıq, Astara şəhərinin kanalizasiya sisteminin tikintisi işlərinə isə 65 milyon manatdan artıq vəsaitin sərf olunacağı proqnozlaşdırılıb.
Məlumata görə, hər iki şəhərdə kanalizasiya sisteminin tikintisi işləri su təchizatı və kanalizasiya sisteminin yaradılması layihəsi çərçivəsində həyata keçiriləcək.
