Dövlət Ekoloji Təhlükəsizlik Xidmətinin əməkdaşları tərəfindən nəzarət tədbirləri həyata keçirilib.
Cenublu.az xəbər verir ki, yoxlama zamanı Ləkərçay çayının Lerik rayonu Piran kəndinin inzibati ərazisindən keçən hissəsində həmin kənd sakini Ramin İmanov, Viləşçay çayının Masallı rayonu Kosagül kəndinin inzibati ərazisindən keçən hissəsində həmin kənd sakini Şahin Mahmudov və Lənkəran rayonu Liman şəhərinin inzibati ərazisində, Ürgə kənd sakini Tofiq Əsgərov tərəfindən ümumilikdə 134 m³ həcmində çınqıl-qum qarışığının qanunsuz götürülməsi faktı müəyyən edilib.
Faktlarla bağlı adıçəkilən şəxslər barəsində fiziki şəxs qismində protokol tərtib olunub və onlar qanunamüvafiq qaydada inzibati məsuliyyətə cəlb ediliblər.
